سوپای تورکیا گەمارۆدانی سەنتەری عەفرینی راگەیاند


نەتەوە  |   12:05:30 2018-03-13  |   (1,307) جار خوێندراوەتەوە

سوپای تورکیا "گەمارۆدان"ی سەنتەری شاری عەفرینی رۆژئاوای کوردستانی بەتەواوی راگەیاند، ئه‌مه‌ش له‌كاتێكدایه‌ تائێستا یەپەگە ئه‌و هه‌واڵه‌ی پشتڕاستی نەکردووەتەوە.
A+    A-

 

سوپای تورکیا ئاماژه‌ی به‌وه‌ركدووه‌، "چەکدارانی ئۆپۆزیسیۆنی سووریا و سوپای تورکیا لە دوێنێ دووشەممە 12/3/2018 ەوە سەنتەری عەفرینیان بەتەواوی گەمارۆداوە".


لە چەند رۆژی رابردوودا یەپەگە و کەجەکە لە دوو بانگەوازی جیادا وێڕای ئەوەی داوایان لە رەوەندی کوردی و سووری کرد لە سەرتاسەری جیهان دژی هێرشی تورکیا راپەڕن و ناڕەزایەتی دەرببڕن، داوایان لە کۆمەڵگەی نێوەدەوڵەتی کرد ئەگەر فریای عەفرین نەکەون مەترسی هەیە جینۆسایدی لێ رووبدات.


ئەمڕۆ 53 رۆژ بەسەر دەستپێکردنی ئۆپەراسیۆنی سوپای تورکیا و بەشێک لە سوپای سووریای ئازاد بۆ سەر عەفرین تێپەڕدەبێت. 


بەگوێرەی سەرچاوە خۆجێییەکان، بە نزیکبوونەوەی سوپای تورکیا و چەکدارانی ئۆپۆزیسیۆن لە سەنتەری عەفرین هەزاران کەس دەربەدەربوونە.


جێی باسه‌ شاری عەفرین جێگای 350 هەزار کەسی سڤیلە، ترسی رێکخراوە مرۆییەکان ئەوەیە دوای گەمارۆدانی شارەکە بەتەواوی، ئەو هاوڵاتیانه‌ی لەوێ ماون دووچاری قەیرانی مرۆیی ببنەوە.  
 
















زۆرترین بینراوەکان