کەناڵێكی نوێی كوردیی کرایەوە


نەتەوە  |   19:27:06 2018-03-12  |   (1,025) جار خوێندراوەتەوە

یەکەمین کەناڵی تەلەفزیۆنی کوردی بە ناوی"JIN TV"  کرایەوە کە تەنیا ژنان کاری تێدا دەکەن و کارو چالاکییەکانی تایبەت بە ژنانی هەر چوار پارچەی کوردستان پەخشدەكەن.
A+    A-


لەوبارەیەشەوە بەڕێوبەری ئۆفیسی سلێمانی كەناڵەكە دەڵێت " کەناڵەکەمان بەچوار زمان و زۆربەی زاراوەکانی زمانی کوردی پەخشی دەبێت و خزمەت بە ژن دەکات".

 

ساکار عەبدوڵڵا، بەڕێوەبەری ئۆفیسی کەناڵی ژن لە سلێمانی بۆ ماڵپەڕی دواڕۆژ-ی راگەیاندووە: "کەناڵی (ژن تی ڤی) دەستی بە پەخشکردووەو ئۆفیسی سەرەکیی لە هۆڵەندایەو سەر بەرێکخراوی نەوایە کە رێکخراوێکی تایبەت بە ژنانە لە ئەوروپا".

 

باسیشی لەوە كردووە کە ئامانجی سەرەکیی لە کردنەوەی ئەو کەناڵه، گرنگیدانە بە تواناو خەباتی ژنان، لە بواری سیاسی و کۆمەڵایەتی و ئابووریی و رۆشنبیریی گشتی و له كۆمەڵەی هۆتبێر پەخش دەکات".

 

ساکار عەبدوڵڵا هەروەها روونیکردووەتەوە کە "لەرۆژی 8 ی مارسدا، کەناڵی ژن تیڤی بە دروشمی (دەنگی ژنان، رووی ژیانە) دەستی بە پەخشی خۆی کردو پرۆگرامەکانی کەناڵەکەش بە شێوەزاری سۆرانی و کرمانجی و زمانی تورکی و عەرەبی و فارسی و کوردی رۆژانە پێشکەش دەکرێت".

 

راگەیەندراوی فەرمی بەرێوەبەرایەتی کەناڵەکەش رایدەگەیەنێت، "ئەم کەناڵە پێشکەش بە تێکۆشانی ژنان دەکەین، هەموو ئەوانەشی بۆ ئازادیی ژنان لە تێکۆشاندان".

 

ئەوەش خراوەتەڕوو، (ژن تیڤی) به فریکوێنسی 11054 ناوەندەکەی لە ئەوروپایە، وەک یەکەمین کەناڵ لە کوردستانداو دووەمین کەناڵ لە دوای کەناڵێکی ئەفغانی دادەنرێت لە جیهاندا کە لەسەردەستی ژن دامەزرێنرابێت.
















زۆرترین بینراوەکان