قوباد تاڵەبانی بەدوای پرۆفایلی گەنجێکدا دەگەڕێت لە فەیسبووک


نەتەوە  |   17:50:46 2018-03-08  |   (889) جار خوێندراوەتەوە

قوباد تاڵەبانی جێگری سەرۆکی حکومەتی هەرێم ئاشکرای دەکات کە پێش چەند مانگێک پۆستێکی لە پەیجەکەی خۆی نووسیووە لەسەر ئامادەکردنی منداڵەکانی بۆ خوێندنگەو کۆمێنتی زۆری بۆ هاتووەو یەکێکیان زۆر نیگەرانی کردووەو دواتر بەدوای پرۆفایلی خاوەنەکەیدا گەڕاوە.
A+    A-


ئەمڕۆ بەبۆنەی 8ی مارس رۆژی جیهانیی ژنان كۆنفراسێكی هاوبەشی نێوان وەزارەتی خوێندنی باڵاو ئەنجومەنی باڵای خانمان بۆ پەرەپێدانی سەنتەرەكانی جێندەرناسی لە زانكۆكانی كوردستان لە هەولێر بەڕێوەچوو.

 

هەر لە كۆنفراسەكەدا، قوباد تاڵەبانی جێگری سەرۆكی حكومەتی هەرێم وتی "ئەمڕۆ بەنیازبووم وتارێك پێشكەش بكەم، بەڵام بەهۆی ئەوەی گقتوگۆیەكی خۆم و گەنجێكی كوردستانم بیركەوتەوە، بۆیە بڕیارمدا وتارەكە پێشكەش نەكەم".

 

لەبارەی گفتوگۆی خۆی و گەنجەكە، قوباد تاڵەبانی دەڵێت "پێش سێ مانگ لەپۆستێكمدا لە فەیسبووك نووسیبوم ئەمڕۆ هەستام لەخەو خواردنم داوە بە منداڵەكان و ئامادەم كردوون و بردومن بۆ خوێندنگە، بەڵام دواتر ئەم پۆستە كاردانەوەی زۆری لێكەوتەوە، ئەوەی سەیر بوو بەلای منەوە گەنجێك نووسیویەتی تۆ ئەوەت كردووە ئەی دایكی منداڵەكان ئیشی چییە؟، ئەوەمان هەبوو، بەڵام دەتانەوێت ئەوەش نەهڵێن، بۆیە رەخنەی ئەو كوڕە وایكرد بچمە سەر پڕۆفایلەكەی، بەڵام ئەوەی جێگەی نیگەرانی بوو، ئەو گەنجە گەنجێكی قۆزو خاوەن بڕوانامەی یاسا بوو، لەسەر فەیسبووكەی وێنەی تاتۆی خۆی داناوە".

 

قوباد تاڵەبانی، ئاماژەی بەوەشكرد كاتێك ئەو وێنانەم بینی، نیگەران بووم، نەك بە قسەكانی، چونكە ئەو بۆچوونە نەك لە بەشێك لە كۆمەڵگەكەماندا هەیە، بەڵام سەیرە كەسێك یاسای خوێندبێت و ئەو بیركردنەوەیەی هەبێت.

 

تاڵەبانی راشیگەیاندووە "ئەمڕۆ هیچ قسەیەك ناكەین لەسەر كاری حكومەت، چونكە زۆر قسەمان كردووە، بەڵكو دەمانەوێت گوێ لە سەنتەرەكانی جێندەرناسی لە زانكۆكان بگرین ئاخۆ چیان كردووە بۆ گۆڕینی ئەو جۆرە بیركردنەوەیەی بەرامبەر ئافرەتان هەیە".
















زۆرترین بینراوەکان