بەم گیراوەیە کۆتایی بە هە‌ڵوە‌رینى قژت بهێنە


نەتەوە  |   19:42:38 2018-03-02  |   (537) جار خوێندراوەتەوە

ئێستا رووتانەوەى قژ بۆتە گرفتێكى باو و زۆربەى هۆكارەكانیشى بریتین لە سترێس و كەمى بەهاى خۆراكى لە خواردنەكانداو ناهاوسەنگیى هۆڕمۆنەكان و هەستیاریى و كەمتەرخەمیى و بەكارهێنانى بەرهەمى پاككەرەوەى خراپ بۆ قژ شتن.
A+    A-

 

لێرەدا ماسكێكتان پێ دەڵێین كە بۆ قژ زۆر بەسوودەو یارمەتى پڕبوونەوەو رواندنەوەى قژە وەریووەكان دەدات و قژەكەش ئەستوورو بەهێز دەكات و قژێكى تەندروست و بەهێزت پێ دەبەخشێت.

 

پێكهاتەكانى ماسكەكە:

 

1 هێلكە

1 مۆزى پێگەیشتوو

1 كەوچكى چێشت هەنگوین

نیو كوپ بیرە( (125 میلیلیتر

 

ئامادەكردنى:

 

مۆزەكە بێنەو پاكی بكەو جوان وردى بكە پاشان لەگەڵ هێلكەیەكدا بیكەرە دەفرێكەوە و جوان تێكەڵاویان بكە بەجۆرێك تا پێكهاتەیەكى نەرمى شێوە كرێمت دەست دەكەوێت، پاشان هەنگوین و بیرەكەى تێكەڵاو بكە و دووبارە تێكى بدەرەوە.

 

دواى ئامادەكردنى ماسكەكە، بەدەست بۆ ماوەى 5 خولەك بیدە لە پێستى سەرت و مەساجى پێبكە، دواى ئەوە عەلاگەیەكى سەر بێنەو لەسەری بكە با بۆماوەى 1 كاتژمێر بەسەرتەوە بمێنێتەوە.

 

دواى ئەوە سەرت بشۆو واش باشترە پێش ئەوە ئەم ماسكە لە قژت بدەیت، جوان قژت بشۆیت بۆئەوەى پێستى سەرت پاك بێت و چەور نەبێت، هەروەها بەمجۆرە ماسكەكە كاریگەریى زیاتر دەبێت.
















زۆرترین بینراوەکان