ئامارێكی نوێ له‌باره‌ی شه‌ڕی عه‌فرینه‌وه‌ بڵاوكرایه‌وه‌


نەتەوە  |   15:12:51 2018-02-14  |   (169) جار خوێندراوەتەوە

ناوەندی ڕاگەیاندنی هێزەکانی سوریای دیموکرات (هەسەدە)، "شەهیدبوونی شەش شەڕڤانی" لە شەڕی عەفرین ڕاگەیاند.
A+    A-

 

بەپێی ڕاگەیەندراوێکی ناوەندەکە، لە چەند ڕۆژی ڕابردوودا سوپای تورکیا و چەکدارە هاوپەیمانەکانی بە پاڵپشتی بۆردومانی ئاسمانی چڕ هەوڵیانداوە پێشڕەوی بکەن، بەڵام شەڕڤانان بەرپەرچیان داونەتەوە و زیانی زۆریان پێگەیاندوون.


له‌ راگه‌یه‌ندراوه‌كه‌دا ئه‌وه‌شخراوه‌ته‌ڕوو، لە شەڕی چەند ڕۆژی ڕابردووی نێوان شەڕڤانان و سوپای تورکیا و چەکدارە هاوپەیمانەکانی، شەش شەڕڤان شەهیدبوون و هەسەدە ناسنامەیانی ئاشکراکردووە.


ئه‌مه‌ش له‌كاتێكدایه‌ لە رۆژی ٢٠ی مانگی ڕابردووەوە، سوپای تورکیا و گروپە چەکدارە هاوپەیمانەکانی هێرشی ئاسمانی و وشکانییان بۆسەر عەفرین دەستپێکرد و تائێستاش هێرشەکەیان بەردەوامە و به‌پێی ناوەندی ڕاگەیاندنی هێزەکانی سوریای دیموکرات، كه‌  پێشتر بڵاویکردەوە، لە ماوەی ٢٣ ڕۆژی شەڕی عەفریندا ٨٦٢ چەکدار و سەربازی تورکیا کوژراون و ۹۸ شەڕڤانی یەپەگە و یەپەژە شەهیدبوون.


بەپێی ئامارەکە، هەر لەو ماوەیەدا لە ئەنجامی بۆردومانەکانی تورکیا ١٨٠ هاووڵاتی مەدەنی شەهیدبوون، هەروەها  ٤١٣ هاووڵاتیش برینداربوون، برینی ژمارەیەکیان قورسە.
 
















زۆرترین بینراوەکان