گەرمیان.. هۆشداریی لە ئەگەری دروستبوونی لافاو دەدرێت


نەتەوە  |   20:26:02 2018-02-13  |   (885) جار خوێندراوەتەوە

سەرچاوەیەك لە كەشناسییەوە رایدەگەیەنێت، ئەگەر هەیە ئەم ئێوارەیەو ئەمشەو، شەپۆلێكی باران بارینی بەخوڕ گەرمیان بگرێتەوەو مەترسی لافاوی لەچەند ناوچەیەک لێ دەکرێت.
A+    A-


لەوبارەیەوە پەیجی كەشوهەوای گەرمیان، لە پۆستێکیدا بڵاویكردوەتەوە: "شەپۆلی لاوازی یەكەم كۆتایی هات و لەماوەیەكی نزیكی ئەم ئێوارەیەدا شەپۆلی دووەم و كاریگەر دەستپێدەكات".

 

هەروەها ئاماژەش بەوە دراوە کە پێشبینی بارانی زۆر باش هەیە لەم ئێوارەیەو ئەمشەودا، بەتایبەتی لە ناوچەكانی خۆرهەڵاتی گەرمیان واتە سنووری ئێران لە قۆرەتووەوە بۆ بناری بەمۆ باران بارینەكە زۆر بەخوڕو باش دەبێت.

 

ئەو سەرچاوەیەی کەشناسیی گەرمیان ئاماژەشی بەوە داوە کە ئەمشەو لەو ناوچانەی کە دۆڵ و چەمی لێیە ئەگەری لافاو هەیە.
















زۆرترین بینراوەکان