وێنە.. وردبینی لە لیستی مووچەی ئەم دامەزراوەیەشدا دەستیپێکرد


نەتەوە  |   16:14:50 2018-02-13  |   (235) جار خوێندراوەتەوە

دوای ئەوەی دەستپێکردنی وردبینی لە لیستی وەزارەتی خوێندنی باڵادا لەلایەن لیژنەی باڵای وردبینی مووچەوە لەلایەن بەغداوە  بەغداوە راگەیەندرا،  دەستکرا بە وردبینی لە لیستی مووچەخۆرانی دەستەی گشتی کاروباری مین-یش.
A+    A-


بەگوێرەی راگەیەیەندراوێکی دەستەی گشتی مین لە هەرێمی کوردستان، لەکۆبوونەوەیەکدا کە  ئەمڕۆ سێشەممە 2018/2/13 لەگەڵ عەلی حەمەد بەگ سەرۆکی دەستەکە بە وەکالەت و یازی خالد،  بەڕێوەبەری گشتی دیوانی دەستەکەدا بەڕێوەچووە، ئەندامانی لیژنەی وردبینی وردەکارییەکانی کارەکانیان و داواکارییەکانیان لە دەزگای گشتی کاروباری مین خستۆتەڕوو.

 

ئاماژەش بەوە کراوە، لەلایەن سەرۆکی دەزگاکەو بەرێوەبەرایەتیی گشتی کاروباری کارگێڕی و دارایییەوە، زانیاریی گشتی لەسەر دروستبوونی دەستەکەو داتاو ئامارە گشتیەکان خراوەتەڕوو و "داتای پێویست خراوەتە بەردەستی ئەندامانی لیژنەکە و وەڵامی وردەکاریی پرسیارەکانیانیان داوەتەوە".

 

ئەوەش خراوەتەڕوو، "لیژنەکە بەشێوەیەکی گشتی باسی لە یاسای دەزگاو لیستی مووچە پێش بایۆمەتری و دوای بایۆمەتری دەکەن، لەگەڵ لیستی میلاکات و  تۆماری ئامادەبووانی فەرمانبەران و پەیڕەوی ناوخۆی دەستەکە.

 

بەپێی راگەیەندراوەکە: لیژنەکەش سەرەتا لە دیوانی دەستەکە وردبینی دەکەن و دواتر سەردانی بەرێوەبەرایەتییە گشتییەکان دەکەن لەسنووری پارێزگاکان".
















زۆرترین بینراوەکان