کۆنگرێسی ئەمریکا 550 ملیۆن دۆلار دەدات بە رۆژئاوای کوردستان


نەتەوە  |   21:53:13 2018-02-12  |   (152) جار خوێندراوەتەوە

میدیاکانی ئەمریکا ئاشکرایان کرد کە حکومەتی واشنتۆن بەردەوام دەبێت لە یارمەتیدانی هێزەکانی سوریای دیموکرات".
A+    A-


ئاژانسەکان بڵاویان کردۆتەوە کە کۆنگریسی ئەمەریکا بڕیاری پێدانی 550 ملیۆن دۆلاری وەک یارمەتی بۆ هێزە سەربازییەکان و هێزە ئەمنییەکانی رۆژئاوای کوردستان و باکووری سوریا خەرج دەکات.

 

ئەو میدیایانە ئاماژشیان بەوە داوە کە ئەو بڕە پارەیە 350 ملیۆن دۆلاری بۆ هێزەکانی سوریای دیموکراتە.

 

بڕی 200 ملیۆن دۆلاریشی بۆ هێزەکانی پاسەوانی سنوورە کە ئەو وڵاتە بڕیاری داوە بۆ رۆژئاوای کوردستان دروستی بکات.

 

ئەم بڕیارەی کۆنگریسیش لەکاتێکدایە کە لەرۆژانی داهاتوودا وەزیری دەرەوەی ئەمریکا هاوڕێ لەگەڵ راوێژکاری ئاسایشی نیشتمانیی ئەمریکادا بەسەردانێک دەگەنە تورکیاو لەسەر پرسی شەڕی داعش و هێرشەکانی تورکیا بۆ سەر باکووری سوریا وتوێژ دەکەن و هاوکاتیشە لەگەڵ لێدوانەکەی ئەمڕۆی مەولود چاوش ئۆغڵوی وەزیری دەرەوەی تورکیا کە وتبووی پەیوەندییەکانمان لەگەڵ ئەمریکادا لەوپەڕی خراپیدایە.
















زۆرترین بینراوەکان