زانیاری‌ نوێ له‌باره‌ی‌ ناردنی موچه‌ له‌به‌غداوه‌ بۆ فه‌رمانبه‌رانی‌ هه‌رێم ئاشكراده‌كرێت


نەتەوە  |   11:13:50 2018-02-12  |   (2,310) جار خوێندراوەتەوە

په‌رله‌مانتارێكی‌ كورد له‌ ئه‌نجومه‌نی‌ نوێنه‌ران زانیاری نوێ له‌باره‌ی‌ ناردنی‌ موچه‌ی‌ فه‌رمانبه‌رانی‌ هه‌رێم له‌لایه‌ن به‌غداوه‌ ئاشكراده‌كات و جه‌ختیشده‌كاته‌وه‌"ئه‌گه‌ر راپۆرتی‌ كۆتایی ووردبینی له‌لیستی‌ موچه‌خۆرانی‌ په‌روه‌رده‌ و ته‌ندروستی‌ به‌كۆتابهێنرێت، چاوه‌ڕوانی‌ ووردبینی‌ وه‌زاره‌ته‌كانی‌ دیكه‌ ناكرێت".
A+    A-

 

ئه‌مین به‌كر په‌رله‌مانتاری‌ كورد، كه‌ هاوكات جێگری‌ سه‌رۆكی‌ فراكسێۆنی گۆڕانه‌ له‌ئه‌نجومه‌نی‌ نوێنه‌ران رایگه‌یاند: تائێستا ووردبینیكردن له‌لیستی‌ موچه‌ی‌ فه‌رمانبه‌رانی‌ په‌روه‌رده‌ و ته‌ندروستی‌ به‌كۆتا نه‌هاتووه‌، به‌ڵام به‌گوێره‌ی‌ ئه‌و زانیاریانه‌ی‌ به‌ده‌ستمان گه‌یشتووه‌ راپۆرتی‌ سه‌ره‌تایی له‌باره‌ی‌ ووردبینی‌ له‌ لیستی‌ موچه‌ی‌ فه‌رمانبه‌رانی‌ ئه‌و دوو وه‌زاره‌ته‌ به‌كۆتا هاتوه‌ و بۆ به‌غدا به‌رزكراوه‌ته‌وه‌، دواتر هه‌مان راپۆرت ئاڕاسته‌ی‌ ئه‌نجومه‌نی‌ وه‌زیرانی‌ حكومه‌تی‌ عیراقی ده‌كرێت و بڕیاری كۆتاییان له‌باره‌وه‌ ده‌درێت.

 

ئاشكراشیكرد،"ئه‌گه‌ر راپۆرتی‌ كۆتایی ووردبینی له‌لیستی‌ موچه‌خۆرانی‌ په‌روه‌رده‌ و ته‌ندروستی‌ به‌كۆتابهێنرێت، چاوه‌ڕوانی‌ ووردبینی‌ وه‌زاره‌ته‌كانی‌ دیكه‌ ناكرێت، به‌ڵكو به‌جیا مامه‌ڵه‌ له‌گه‌ڵ ئه‌و دوو وه‌زاره‌ته‌ ده‌كرێت و موچه‌یان له‌لایه‌ن به‌غداوه‌ ره‌وانه‌ ده‌كرێت".


روونیشكرده‌وه‌، ئه‌گه‌ر ئێستا راپۆرتی‌ كۆتایی لیژنه‌كانیش به‌كۆتابهێنرێت ناتوانرێت ئاڕاسته‌ی‌ به‌غدا بكرێت و بڕیاری كۆتایی له‌باره‌وه‌ بدرێت به‌وپێیه‌ی‌ زۆربه‌ی‌ به‌رپرسانی‌ به‌غدا به‌شدارده‌بن له‌و كۆنگره‌ باڵایه‌ی‌ كوه‌یت و وتیشی:دوای‌ گه‌ڕانه‌وه‌ی به‌رپرسانی‌ عیراق له‌ كوه‌یت بڕیار له‌باره‌ی‌ راپۆرته‌كانه‌وه‌ ده‌درێت.


ئه‌و په‌رله‌مانتاره‌ كورده‌ له‌ كۆتایی لێدوانه‌كه‌ی بۆ سایتی تۆڕی هه‌واڵی سلێمانی باسی له‌وه‌شكردوه‌ چاوه‌ڕوان ده‌كرێت له‌كاتی‌ به‌رێوه‌چوونی‌ كۆنگره‌كه‌ی‌ كوه‌یتدا به‌رپرسانی‌ حكومه‌تی‌ عیراقی هه‌واڵی دڵخۆشكه‌ر له‌باره‌ی‌ موچه‌ی‌ فه‌رمانبه‌رانی‌ هه‌رێمه‌وه‌ بده‌ن.
 
















زۆرترین بینراوەکان