ناوه‌رۆكی كۆپی نوێی پڕۆژه‌ یاساكه‌ی بودجه‌ی عێراق ئاشكرا ده‌كرێت


نەتەوە  |   00:15:14 2018-02-12  |   (1,033) جار خوێندراوەتەوە

بڕیاردەری لیژنەی دارایی پەرلەمانی عێراق ده‌ڵێت: "ئەو کۆپیە نوێیەی بودجە کە لەلایەن حکومەتەوە ڕەوانەی پەرلەمان کراوە، داخوازییەکانی کورد و سوننەی تێدا نییە".
A+    A-

 

ئەحمەد حاجی ڕەشید بڕیارده‌ری لیژنه‌ی دارایی په‌رله‌مانی عێراق ڕایگەیاند، ئەو کۆپییە نوێیەی بودجە، تەنانەت داخوازی پارێزگا بەرهەمهێنەرەکانی نەوتی بە شێوەیەک تێدایە کە پارێزگاکان لێی ڕازی نین.


وتیشی "ئەوەی کە باس دەکرێت داخوازی سوننەی تێدا تۆمارکراوە و داخوازی کوردیشی تێدا تۆماردەکرێت، ڕاپۆرتی لیژنەی دارایی پەرلەمانە، کە بەشێک نییە لە پڕۆژە یاسای بودجە و هیچ ئیعتیبارێکی یاسایی نییە".


ئەحمەد حاجی ڕەشید باسی لەوەش کرد، لەو کۆپیە نوێیەی پڕۆژە یاسای بودجەدا لەکۆی پێنج مەرجی سندوقی دراوی نێودەوڵەتی، چوار مەرجی تێدا تۆمارکراوە، ئەو مەرجەی کە تۆمارنەکراوە ئەوەیە کە پەیوەندی بە تەرخانکردنی نۆ ترلیۆن و 952 ملیار دینارەوە هەیە بۆ هەرێمی کوردستان.


کورد داوای پشکی لەسەدا 17دەکات لە بودجەی گشتی عێراق، لەکاتێکدا لە پڕۆژە یاساکەدا پشکەکەی بە لەسەدا 12.67 دیاریکراوە.


بەڵام تائێستا حەیدەر عەبادی سەرۆک وەزیران ڕەزامەندی لەوبارەیەوە نیشاننەداوە و چەندجارێک جەختیکردووەتەوە کە لەسەر بنەمای ڕێژەی دانیشتوان پشکی هەرێم-یان دیاریکردووە.
 
















زۆرترین بینراوەکان