ئاسو و سارپ ده‌بنه‌ دوو خۆشه‌ویست


نەتەوە  |   20:05:44 2018-01-21  |   (1,554) جار خوێندراوەتەوە

سارپ-ی درامای "لەناوەوە"و ئاسو-ی درامای "عەشقی شێتانە" دەبنە دوو عاشق و لە درامایەکی نوێدا بەیەک دەگەن.
A+    A-

 

ئەکتەری بەناوبانگی تورکیاو پاڵەوانی درامای (لەناوەوە) چەتای ئوسلوی ناسراو به (سارپ) بەدرامایەکی نوێ دەگەڕێتەوە سەر شاشەکان و بۆ یەکەمجار لەگەڵ خانمە ئەکتەر مێلیسا ئاسڵی پاموک ناسراو بە (ئاسوو)ى درامای (عەشقی شێتانە) رۆڵدەگێڕێت و له یەك درامادا بەیەكەوه وەک دوو عاشق  رۆڵ دەبینن و دراما نوێیەكەش بەم زووانه لەڕێگەى ماڵپەڕێكى جیهانییەوه پەخشدەكرێت.

 

چەتای بە یەکێک لە کوڕە ئەکتەرە بەناوبانگەکانی تورکیا دادەنرێت و یەکێکە لە گەنجە جوان و کەشخەکانی تورکیاو لە ساڵی 2010 دا وەک باشترین مۆدێل دەستنیشانکراوە.

 

ناوبراو لە ساڵی 1990 لە دایکبووەو بۆتە پاڵەوانی چەندین دراماو لە ئێستاشدا دراما نوێیەکەی (لەناوەوە) کە بە دۆبلاژی کوردی لە کەناڵی کوردماکس پەخش دەکرێت سەرکەوتنێکی گەورەی بەدەستهێناوە.

 

مێلیسا-ش کە لە درامایی عەشقی شێتانەدا رۆڵی کاراکتەری ئاسو-ی بەرجەستە دەکرد، یەکێکە لەشۆخترین خانمانی تورکیاو لە ساڵی 2011دا نازناوی شاجوانی ئەو وڵاتەی بەدەستهێناوەو بەهۆی شۆخییەکەیەوە لەساڵی 2016دا زۆرترین گەڕان لەسەر ناوەکەی کراوە لە پێگەی گوگڵ.

 

ئەو خانمە ئەکتەرە لە ساڵی 1991 لە هوڵەندا لەدایکبووە، سەرەتا وەک نمایشکاری جلوبەرگ دەستبەکاربووەو دوای بەدەستهێنانی نازناوی شاجوان دەستیکردووە بە کاری نواندن.
















زۆرترین بینراوەکان