یەپەگە ژماره‌ی قوربانیانی هێرشەکانی سوپای تورکیادا بۆ سەر عەفرین ئاشكراده‌كات


نەتەوە  |   09:32:28 2018-01-21  |   (163) جار خوێندراوەتەوە

فەرماندەیی یەکینەکانی پاراستنی گەل "یەپەگە" ڕایگەیاند، لە ئه‌نجامی هێرشی فڕۆکەکانی تورکیادا بۆ سەر عەفرین 22 كه‌س شه‌هید و بریندار بوون.
A+    A-


ئاژانسی هەواڵی ئانهای خۆرائاوای کوردستان بەیاننامەیەکی یەپەگەی بڵاویکردەوە کە تیایدا هاتووە: ٧٢ فڕۆکەی تورکیا لە دوێنێوە ١٠٠ پێگەیان لە عەفرین کردووەتە ئامانج کە هەندێکیان شوێنی هاوڵاتیانی مەدەنی بوون.


ئاماژه‌ به‌وه‌ش كراوه‌، لە ئه‌نجامی هێرشی فڕۆکەکانی تورکیادا بۆ سەر عەفرین 6 هاوڵاتی مەدەنی و 3 شەڕڤان شەهیدبوون و ١٣ی دیکەش برینداربوون.


یەپەگە باسی له‌وه‌شكردووه‌،  دەزانین کە تورکیا بەبێ ڕوخسەتی هێزە جیهانییەکان بەتایبەت ڕوسیا، ناتوانێت هێرش بکاتە سەر هاوڵاتیانی مەدەنی لە عەفرین، ڕوسیا وەک تورکیا بە بەرپرسیار دەزانین و دەیکەینە ئەنجامدەری هاوبەشی ئەم تاوانەی کە تورکیا لە ناوچەکە ئەنجامی دەدات.


ئەوەش لەکاتێکدایە، کە دوێنێ ڕەجەب تەیب ئەردۆغان سەرۆک کۆماری تورکیا ڕایگەیاند، ئۆپه‌راسیۆنی عه‌فرین به‌ كردار له‌ گۆڕه‌پاندا ده‌ستی پێكردووه، دوای ئه‌ویش نۆره‌ی منبجه‌.
 
















زۆرترین بینراوەکان