وادەی دابەشكردنی یه‌كه‌م موچه‌ له‌مساڵدا ئاشكرا كرا


نەتەوە  |   18:03:41 2018-01-18  |   (5,789) جار خوێندراوەتەوە

بەڕێوەبەری "پەروەردەی رۆژئاوا لەسلێمانی" ڕایدەگەیەنێت: "حكومەتی هەرێم بەگوێرەی خشتەی ئاماژە پێكراوی خۆی لە 24مانگ بەدواوە دەست بەدابەشكردنی موچەی فەرمانبەران دەكات"، ئاشكراشی ده‌كات، "پێشنیاركراوە موچەی مانگی 12 لەلایەن بەغداوە پێش تەواو بوونی وردبینی كردنەكەی بنێردرێت".
A+    A-


بەكر محەمەد بەڕێوەبەری پەروەردەی رۆژئاوا لەسلێمانی بە ماڵپەڕی مەڵبەندی 1ی سلێمانی یەكێتی ڕاگەیاندووە: وەكو ئەو زانیارییەی لە وەزارەتی داریی هەرێمەوە پێم گەیشتووە بەگوێرەی خشتەی ئاماژە پێكراو حكومەتی هەرێم لە 24مانگ بەدواوە دەست بەدابەشكردنی موچە دەكات.


بەڕێوەبەری پەروەردەی رۆژئاوا لەسلێمانی ئه‌وه‌شی خستۆته‌ڕوو،"ئەو موچەیە پاشەكەوت كراوەكەیە و بۆ مانگی 10ی ساڵی ڕابردووە".


بەكر محەمەد سەبارەت بە موچەی مانگی 12 یش كە بڕیارە لە دوای وردبینی كردنی لیستی ناوەكانی موچەخۆرانی وەزارەتی پەروەردە وە بنێردرێت ئەوەی وتی: "لەلایەن لیژنەی وردبینییەكەوە پێشنیار كراوە بەر لەوەی كاری وردبینییەكەیان تەواو ببێت موچەیەك ڕەوانە بكرێت".


جه‌ختیشیكردۆته‌وه‌، ئێمە پێمان باشە لەهەموو بارێكدا موچەیەك بنێردرێت، چونكە دۆخی مامۆستایان زۆر خراپە.
















زۆرترین بینراوەکان