ئۆتۆمبێل بە قیست دەدرێتە فەرمانبەران


نەتەوە  |   16:25:10 2018-01-18  |   (5,652) جار خوێندراوەتەوە

لەڕێگەی هەردوو بانكی ڕەشید‌ و ڕافیدەینەوە وەزارەتی بازرگانی عیراق بە قیستی 5 ساڵ ئۆتۆمبێل بە سەرجەم فەرمانبەران دەفرۆشێت.
A+    A-

 

بەپێی ڕاگەیاندراوێكی وەزارەتی بازرگانی عێراق، تێیدا ئەحمەد یاسین بەڕێوەبەری گشتی كۆمپانیای ئۆتۆمبێل‌ و ئامێرەكان كە سەر بە وەزارەتی بازرگانی عێراقە رایگەیاندووە، بەردەوامن لەسەر فرۆشتنی ئۆتۆمبێل بە قیست بە فەرمانبەرانی سەرجەم وەزارەت‌ و ئەنجومەنی پارێزگاكان‌ و فرۆشتنەكەش لەڕێگەی بانكی ڕەشید‌ و رافیدەینەوە ئەنجام دەدرێت‌.


ناوبراو ئه‌وه‌شی خستۆته‌ڕوو، هەر فەرمانبەرێك دەیەوێت ئۆتۆمبێل بكڕێت دەتوانێت سەردانی كۆمپانیاكەیان بكات.


ئاماژەی بەوەش كردووە، كە فەرمانبەران پێشەكی تەنها لە 10% نرخی ئۆتۆمبێلەكە دەدەن‌ و ئەوی تری لەلایەن بانكی رافیدەین‌ و ڕەشیدەوە دابین دەكرێت‌ و هاوڵاتی بە قیستی 5 ساڵ پارەكە دەداتەوە، هەروەها نرخی سوود بەڕێژەی لە ٧% دەخرێتە سەر قەرزەكە.
 
















زۆرترین بینراوەکان