چۆنێتی خۆپاراستن لە لاوازی سێكسی و نەزۆكی


نەتەوە  |   13:08:05 2018-01-11  |   (245) جار خوێندراوەتەوە

كاتێك پیاوان پێدەنێنە تەمەنەوە تووشی لاوازی سێكسی و نەزۆكی دەبن و ئەمەش لە پیاوێكەوە بۆ پیاوێكی تر جیاوازە هەندێك زووتر و هەندێك درەنگ تر دووچار دەبن، بەڵام زۆرجار دەبێنرێت لە تەمەنی خوارتریش پیاوان رووبەڕووی ئەو حاڵاتە دەبنەوە، بۆیە پێویستە بۆ خۆبەدور گرتن لەو مەترسیە چەند رێنماییەك رەچاو بكەن.
A+    A-

 

نەزۆكی بەو حاڵەتە دەوترێت، كە پیاو توانای وەچە خستنەوەی نامێنێت و لاوازی سێكسیش حاڵەتێكە كە پیاوان ناتوانن پەیوەندیەكی تەواو و تەندروستی سێكسیان لە گەڵ هاوسەر و هاوبەشی ژیانیان هەبێت، هەر چەندە ئەو دوو حاڵەتە لێك جیاوازن، بەڵام هۆكارەكان و رێگەكانی خۆپاراستن لێیان تاڕادەیەك هاوشێوە.


هۆكارەكان بەشێكی زۆریان جەستەیین و پەیوەندیان بە چەند نەخۆشیەكەوە هەیە لەوانە، نەخۆشی شەكر، هەوكردنی كۆئەندامی هەناسەدان، بوونی گرێ لە مێشك بەتایبەتی ئەو بەشەی كرداری سێكسی رێكدەخات، نەخۆشیەكانی جگەر، سست بوونی گورچیلە، حومەی ماڵتا، نەخۆشیەكانی كۆئەندامی زاوزێ وەك واریكۆسێل.


بۆ رێگەگرتن لە لاوازی سێكسی و نەزۆكی زانایان چەند پێشنیارێكیان خستۆتەڕوو كە گرینگترینیان ئەمانەن:


خۆ بەدورگرتن لە سوار بوونی پاسكیل و پۆشینی پانتۆڵ و جل و بەرگی ژێرەوەی تەسك ئەوش بە هۆی ئەو گوشارە زۆرەی بۆ سەر ئەندامی نێرینە دروستی دەكەن.


خۆبەدورگرتن لە حەمام كردن بە ئاوی گەرم، بەتایبەتی كە مانەوەی زۆر لە بانیۆ و ساونا و دەبێتە هۆی كەمبوونەوەی رێژەی سپێرم.


هەڵبژاردنی رژێمێكی خۆراكی تەندروست بە جۆرێك كە جەستەی لە كۆمەڵێك مادەی زیانبەخش دوورخاتەوە بەتایبەتی خواردنەكانی دەرەوە.


خۆبەدورگرتن لە كێشانی جگەرە و خواردنەوە كحولیەكان.


هەوڵ بدەن خۆتان لە دڵەڕاوكێ و باری نائارامی دەرونی و هەموو جۆرە پەستانێكی دەرونی بپارێزن.


خواردنی ئەو خۆراكانەی سەرچاوەیەكی سروشتی دابینكردنی ڤیتامینەكان و مادە كانزاییەكانی پێویستن بۆ جەستە.


هەندێك دەرمان كاریگەری لاوەكی نەرێنیان بۆ سەر توانای سێكسی پیاوان هەیە بۆیە پێویستە پێش بەكارهێنانیان راوێژ بە پزیشك بكرێت.
















زۆرترین بینراوەکان