47   ساڵە خۆشەویستەکەی دیارییەکی داوەتێ هێشتا نەیکردۆتەوە!!!!!


نەتەوە  |   14:06:04 2018-01-09  |   (220) جار خوێندراوەتەوە

ئەدریان پیێرس پیاوێكى تەمەن 64 ساڵەو لە شارى ئێدمنتن لە كەنەدا دەژى، لەدوای 47 ساڵ لە وەرگرتنی دیارییەک لە خۆشەویستە کچەکەی هێشتا ئەو دیارییەی نەکردۆتەوە بزانێت چیی تێدایە!
A+    A-


ئەدریان پێش 47 ساڵ ئەوكاتەى تەمەنى 17 ساڵ بووە خۆشەویستێكى هەبووە ناوى ڤیكى بووە، كاتێك ڤیكى لەو شارە نەماوەو ماڵئاوایى لە ئەدریان كردووە، لە دوا دیداریاندا وەكو ماڵئاوایى دیارییەكى داوەتێ، بەڵام پیێرس نەیكردۆتەوەو لەژێر دارێكدا شاردووێتییەوە.

 

ئەدریان دەڵێت" لەو ساتەوەى ڤیكى دیارییەكەى داومەتێ نەمكردۆتەوە لەژێر دارێكدا هەڵمگرتووە، هەموو ساڵێك لەو رۆژەى ڤیكى دیارییەكەى دابوومێ سەیرى دیارییەكە دەكەم و بێئەوەى بیكەمەوە دەیخەمەوە شوێنى خۆى.

 

 سەرەتا كە ڤیكى بەجێى هێشتم دڵشكاوبووم و بەدوایدا نەدەگەڕام، بەڵام ماوەى دوو ساڵە زۆر بەدوایدا دەگەڕێم و ئارەزوو دەكەم بیدۆزمەوە، تائێستاش بڕیارم نەداوە دیارییەكەى بكەمەوەو نازانم چیشى تێدایە".
















زۆرترین بینراوەکان