گەزیزە عومەر توشی ڕوداوی هاتووچۆ بوو


نەتەوە  |   09:55:21 2017-12-30  |   (2,893) جار خوێندراوەتەوە

گەزیزە عومەر، خانمە هونەرمەندی كورد، تووشی ڕووداوی هاتوچۆ دەبێت و بەهۆیەوە چەند ڕۆژێك لە ماڵەوە پشوو دەدات.
A+    A-

 

گەزیز عومەر، لەبارەی ڕووداوەكەوە بە ماڵپەری باسنیوزی ڕاگەیاندووە: "ڕۆژی پێنجشەممەی ڕابردوو 2017/12/28، بە مەبەستی خوێندنەوەی وتاری ڕۆژی سینەمای جیهانی، دەچوومە هۆڵی سیتی سینەما، بەڵام لەناكاو ئۆتۆمبێلێك بەرەو ڕووم هات و لێی دام، دواتر منیان گەیاندە نەخۆشخانە".

 

گەزیزە، لەبارەی بارودۆخی تەندروستیی ئێستای، دەڵێت: "ئێستا تەندروستیم جێگیرە و باشم، هیچ شوێنێكم نەشكاوە، بەڵام تەنها پێویستیم بە پشووە".

 

ئەو خانمە هونەرمەندە،پەیامێكی سوپاسگوزاری بۆ هاوڕێ و هاوپیشەكانی بڵاو دەكاتەوە و دەڵێت: "سوپاسی هەموو ئەو كەسانە دەكەم كە لە نەخۆشخانە لەگەڵم بوون و بەردەوام لە هەواڵم دەپرسن".

 

گەزیزە عومەر، یەكێكە لە ئەكتەر و شانۆكارە ناسراوەكانی سلێمانی، بەشداری لە چەندین فیلم و زنجیرە دراما و شانۆگەریدا كردووە.
















زۆرترین بینراوەکان