مێسی پێشوازی لە كچە كوردێك دەكات 


نەتەوە  |   00:27:42 2017-12-15  |   (364) جار خوێندراوەتەوە

نوژین مستەفا ئەو كچە كوردەی، كە \"بە سیمبولی كچانی پەنابەری رۆژئاوای كوردستان ناسرابوو\"، لە كۆتاییدا چاوی بە لیۆنێل مێسی و زۆربەی ئەستێرەكانی یانەی بارسێلۆنا كەوت.
A+    A-

 

نوژین موستەفا كچێكی خاوەن پێداویستی تایبەتە و خەڵی شاری كۆبانێی رۆژئاوای كوردستانە، لەسەر داوای یانەی بارسێلۆنا سەردانی بارەگای تایبەتی ئەو یانەیەی لە هەرێمی كەتەلۆنیا كرد و چاوی بە ئەستێرەكانی بارسێلۆنا كەوت، لەسەرووی هەمووشیانەوە لیۆنێل مێسی ئەستێرەی یەكەمی یانەكە.


ئەو كچە كوردە هەروەها چاوی بە تێرشتیگن، ئینێستا، جێرارد پیكێ و چەند یاریزانێكی دیكەی بارسا و كۆمەڵێك لە یاریزانە دێرینەكانەكانی یانەكە كەوتووە و وێنەی یادگارییان لەگەڵ نوژیندا گرتووە.


یانەی بارسێلۆنا وەك دیاری سەری ساڵ بڕیاریدا فیلمێكی دۆكیومێنتاری لەسەر سەردانەكەی نوژین بۆ یانەكە بەرهەمبهێنێت و دواتر بڵاویبكاتەوە، وەك چۆن پێشتر خۆیان داوایان لە نوژین موستەفا كردبوو كە سەردانیان بكات و پاسی تایبەتیان بۆ گواستنەوەی نوژین نارد بوو بۆ ئەڵمانیا.


جێی باسە نوژین تاوەكو ئێستا بەشداری لە چەندین كۆبوونەوە و كۆنفرانسی نێودەوڵەتیدا كردووە، جگە لەوەش بە هاوكاری نووسەرێكی بەریتانی كتێبێكی لەسەر ژیانی خۆی نووسیوە لە سێزدە وڵات و بە هەشت زمان بڵاوكراوەتە.

 


















زۆرترین بینراوەکان