تەقینەوەیەكی بەهێز لەناوچەیەكی نزیك هەولێر روویدا 


نەتەوە  |   20:46:12 2017-12-06  |   (1,483) جار خوێندراوەتەوە

تەقینەوەیەكی بەهێز لەناوچەیەكی نزیك هەولێر روویدا و شەهید و برینداربوونی ژمارەیەك هاوڵاتی لێكەوتەوە.  
A+    A-

 

لەوبارەیەوە رزگار مستەفا، قایمقامی مەخموور رایگەیاند "تەقینەوەیەكی بەهێز لەنێو كەمپی ئاوارەكانی باكووری كوردستان لە مەخموور روویدا و بەپێی ئەو زانیاریانەی لەنێو لیژنەی كەمپەكە بە ئێمە گەیشتوون ژمارەیەكی زۆر ئاوارە گیانیانلەدەستداوە و برینداربوون".


ئاماژەی بەوەشكرد، "تاوەكو ئێستا نەزانراوە تەقینەوەكە بەهۆی چییەوە بووە، بەڵام لە لێكۆڵینەوە بەردەوامین و زانیاریشمان بەدەست گەیشتووە كە بارەگایەكی نێو كەمپەكە بە تەواوی وێرانبووە".

 

هاوكات بەپێی زانیارییەكان حەوت كەس شەهید بوون و بەدەیان هاوڵاتیش بریندار بوون.


جێی باسە لەناو كەمپی مەخمووری ئاوارەكانی باكووری كوردستان دوو هەزار و 700 خێزان دەژین، كە ژمارەیان 12 هەزار و 500 كەسە و كەمپەكە نزیكەی 60 كلیۆمەتر لە سەنتەری شاری هەولێر دوورە، لە نەوەتەكانی سەدەی رابردوو دروستكراوە.
 

















زۆرترین بینراوەکان