كەسایەتيیەكی ناوداری شاری سلێمانی كۆچی دوایی كرد


نەتەوە  |   13:42:45 2017-12-05  |   (1,743) جار خوێندراوەتەوە

ئەمڕۆ سێشەممە رێكەوتی 2017/12/5 ، كەسایەتییەکی ناوداری شاری سلێمانی كۆچی دوایی كرد و سبەیپرسەی بۆ دادەنرێت.
A+    A-

 

ئەمڕۆ سێشەممە رێكەوتی 2017/12/5 ، كەسایەتیی  ناوداری شاری سلێمانی عیزەت ئەکرەم نەجیب كۆچی دوایی كرد کە کەسایەتییەکی کۆمەڵایەتی و لە بنەماڵەیەکی ناودارو نیشتمانپەروەری ئەو شارە بوو  .

 

خوالێخۆشبوو یەكێك بوو لە كەسایەتییە دیارو بەناوبانگە نیشتمانپەروەرو دڵسۆزەكانی بیری پێشكەوتنخوازی و ساڵانێكی زۆر خزمەتی بە گەل و نیشتمانەكەی كردووەو لەسەر هەڵوێستی نیشتمانیی دووچاری زیندانی و ئەشكەنجەدان بووە.

 

هەروەک بنەماڵەكەیشیان لە سەردەمی شێخ مەحمود-دا رۆڵی بەرچاویان هەبووە لە بواری كوردایەتیدا.

 

ئەكرەم عزەت نەجیب، لە یەكەمین كۆنگرەی قوتابیاندا لە ساڵی 1948 دا وەك نوێنەری قوتابیانی سلێمانی بەشداریی كردووەو لەو رووداوەدا دەستگیركراوەو دواتر ئازادكراوە.

 

خوالێخۆشبوو برازای نووسەری گەورەی كورد مامۆستا رەشید نەجیب-ە. سبەی چوار شەممە 2017/12/6 پرسەی لە مزگەوتی شێخ فەرید لە گەڕەکی بەرانان-ی شاری سلێمانی بۆ دادەنرێت.

 

















زۆرترین بینراوەکان