وێنەو ڤیدیۆ.. حوسییەكان دیمەنی عەلی عەبدوڵڵا ساڵح-یان بە کوژراوی بڵاوکردەوە


نەتەوە  |   16:06:31 2017-12-04  |   (812) جار خوێندراوەتەوە

لیوا یەحیا مەهدی، بەڕێوبەری كاروباری سوپای یەمەنی لە هاوپەیمانیی حوسییەكان ئەنساروڵڵا، کوژرانی عەلی عەبدوڵڵا ساڵحی سەرۆكی پێشووی یەمەنی راگەیاند، كە تائێستا بەفەرمی ئەوە لەلایەن لایەنی دیکەوە پشتڕاست نەكراوەتەوە.
A+    A-


ئەمڕۆ دوو شەممە 2017/12/4 لیوا یەحیا مەهدی، لەمیانی لێدوانێكیدا بۆ ئاژاسی "سپۆتنیك"ی روسی رایگەیاندووە کە عەلی عەبدوڵڵا ساڵج لەرێگەی "سەنحان بە ئاراستەی مەئرب كوژراوە، ئەوەش لەئەنجامی ئۆپەراسیۆنێكی تایبەت بۆسەر هێزەكانی".

 

ئەو بەرپرسەی حوسییەکان ئەوەشی ئاشكراكردووە، کە چەند شەوێكە چاودێریی جموجوڵەكانی عەلی عەبدوڵڵا ساڵج دەكەن، كە زوو زوو شوێنی خۆی دەگۆڕی، تا ئەمڕۆ هێرش كراوەتە سەری‌و كوژراوە".

 

ئەمڕۆ دەنگۆی كوژانی عەلی عەبدوڵڵا ساڵح بڵاوبۆوە، كە ناوبراو سەرۆكی پێشووی یەمەن بوو، ئێستا سەرۆكی حزبی موئتەمەری شەعبی یەمەنەو تا ئێستاش حزبەكەی كوژرانی ناوبراو رەتدەكاتەوە.

 

ئەم گرتە ڤیدیۆییەش کە ئەمڕۆ دووشەممە لەلایەن حوسییەكانەوە بڵاوکراوەتەوە ئەوە دەسەلمێنێت کە كوژراوەو تەرمی عەلی عەبدوڵڵا ساڵح و ناسنامەکەشی لەبەردەستی ئەو چەكدارانەدایە.

















زۆرترین بینراوەکان