دەستگیركردنی چەندین تۆمەتبار راگەیاندرا


نەتەوە  |   14:50:37 2017-11-23  |   (144) جار خوێندراوەتەوە

لە راگەیەندراوێکیدا بەڕێوەبەرایەتیی پۆلیسی پارێزگای سلێمانی دەستگیركردنی ژمارەیەك تۆمەتباری راگەیاند کە بە تۆمەتی دزیی تۆمەتبارکراون.
A+    A-


بەڕێوەبەرایەتتت پۆلیسی سلێمانی راگەیەندراوێکی بڵاوکردۆتەوەو تێیدا ئاماژەی بەوە داوە كە لە چوارچێوەی كارو چالاكییەكانی بەڕێوەبەرایەتییەكەیانداو تەنها لەماوەی دوو هەفتەی رابردوودا، چەندین تۆمەتباریان بە تۆمەتی ئەنجامدانی دزیی جۆراوجۆر دەستگیركردووە.

 

لەو راگەیەندراوەدا هەڵمەتەکانی پۆلیس بەمجۆرە ریزبەندیی کراوە:

 

1-هەشت تۆمەتبار دەستگیركراون كە دزییان لەچەند ماڵێك ئەنجامداوە.

2-باندێكی پێنج كەسی دەستگیركراون كە حەوت دوكانیان لەناو شاری سلێمانی بڕیوەو چوار كێشەی دزینی ئاژەڵیشیان هەیە لەدەرەوەی شار.

3-دووتۆمەتبار دەستگیركراون كە كەلوپەلی بیناسازییان دزیووە.

4- دوو تۆمەتبار دەستگیركراون كە گیرفانی هاووڵاتیانیان بڕیوە.

5- سێ تۆمەتبار دەستگیركراون كە هەستاون بە دزینی ئوتومبێبێل و ماتۆڕسكیل.

6- تۆمەتبارێكی بە رەگەز عەرەب دەستگیركراوە كە بڕی ٣٣٠ هەزار دۆلاری دزیوە، دواتر پارەكە گەڕێنراوەتەوە بۆ سكاڵاكار.

7- چوار تۆمەتبار دەستگیركراون لەسەر فێڵكردن.

8-تۆمەتبارێك دەستگیركراوە بە مادەی ١٤ ی موخەدیرات.

9-شەش تۆمەتبار دەستگیركراون كە هەستاون بە دزینی مۆبایل و لەچەند كێشەیەكی جیاوازدا.

















زۆرترین بینراوەکان