ئاگادارییەك لەسەر كامێرا جێگیرەكان بڵاودەكرێتەوە


نەتەوە  |   20:51:31 2017-09-13  |   (1,746) جار خوێندراوەتەوە

لێپرسراوی بەشی كامێراكان لە بەڕێوەبەرایەتیی هاتوچۆی سلێمانی کە بارەی بەکارخستنی كامێرا جێگیرەكانی سلێمانییەوە روونکردنەوە دەدات بە شۆفێران.
A+    A-


لەوبارەیەوە رائید ئاكام عەلی لێپرسراوی بەشی كامێراكان لە بەڕێوەبەرایەتی هاتوچۆی سلێمانی بە (ترافیك ئێف ئێم)ی هاتوچۆی سلێمانی رایگەیاندووە، تائێستا كامێرا جێگیرەكانی سلێمانی نەخراونەتە كارو بەڵكو تەنها دەستبەكاربوونیان بۆ كراوەو دەشڵێت: "چاوەڕوان دەكرێت ئەو كێشە هونەرییانەی کە ماوە چارەسەر بكرێن و دواتر بخرێنە كار.

 

هەروەها دەڵێت: "ئەوەی ئێستا هەیە تەنها بۆ تێست و تاقیكردنەوەیە تا بزانین كەموكوڕییەكان چیین" و ئاماژەی بەوەش کردووە کە پێدەچێت لەماوەیەكی نزیکدا بخرێنەكار.

 

ئەو بەرپرسەی هاتوچۆ هاووڵاتیانیشی لەوە دڵنیاكردەوە كە هەركاتێك كامێرا جێگیرەكان بكەونە كار، وەك بەڕێوەبەرایەتیی هاتوچۆ بەفەرمی لەڕێگەی راگەیاندنەكانەوە هاووڵاتیانی ئاگاداردەكەنەوە.

















زۆرترین بینراوەکان