بڕیارێكی نوێ لەبارەی هێڵی نۆرماڵی ماڵانەوە دەدرێت


نەتەوە  |   20:06:30 2017-09-13  |   (2,510) جار خوێندراوەتەوە

وەزارەتی گواستنەوەو گەیاندنی حكومەتی هەرێم روونكردنەوە لەبارەی تۆڕی هێڵەكانی پەیوەندیی ناوماڵ دەدات و وتەبێژی وەزارەتەكەش ئاشكرایدەكات كە بڕیاردراوە چاكسازیی لە سەرجەم تۆڕەكانی پەیوەندیی ناوماڵاندا بكەن و شێوازی وەرگرتنی پارەكەشی دەخاتەڕوو.
A+    A-


ئومێد محەمەد وتەبێژی وەزارەتی گواستنەوەو گەیاندنی حكومەتی هەرێمی كوردستان بە ماڵپەڕی ئێس ئێن ئێن-ی راگەیاندووە کە شێوازی وەرگرتنی پارەی هێڵی نۆرماڵی ماڵان هیچ گۆڕانكارییەكی تێدا نەكراوەو ئەو ماڵانەی کە خزمەتگوزاریی ئینتەرنێتیان لەڕێی ئەو هێڵەوە پێگەیەندراوە، مانگانە لەگەڵ وەرگرتنی پارەی ئینتەرنێتدا پارەی هێڵی نۆرماڵییشیان لێ وەردەگیرێت.

 

وتیشی: ئەو ماڵانەی خزمەتگوزاریی ئینتەرنێتیان لەسەر هێڵەكانی پەیوەندیی ناوماڵ دانەنراوە، هەر سێ مانگ جارێك پارەی هێڵی پەیوەندیی ناوماڵیان بەسەریەكەوە لێ وەردەگیرێت.

 

ئاشكراشیكردووە کە "بڕیارداوە چاكسازیی لە تۆڕی پەیوەندییەكانی ناوماڵ و گەڕەكاندا بكرێت و هەوڵ دەدرێت میكانیزمێك دابنرێت كە لەگەڵ سیستمە پێشكەوتووەکانی خزمەتگوزارییەكانی ئینتەرنێتدا بگونجێت بەجۆرێک بتوانرێت گرفتی گەیاندنی خزمەتگوزارییەكانی ئینتەرنێت بۆ هاووڵاتیان دروست نەكات".



















زۆرترین بینراوەکان