كورسی خوێندن لەبەشی یاسا بە بێبەرامبەر بۆ ئەم خوێندكارانە دابیندەكرێت


نەتەوە  |   17:11:09 2017-09-13  |   (389) جار خوێندراوەتەوە

هەلی خوێندن بە بێبەرامبەر بۆ خوێندكارانی كوڕو كچی شەهید لە بەشی یاسای زانكۆكی هەڵەبجە دەڕەخسێندرێت، سەرۆكی زانكۆی هەڵەبجەش رایدەگەیەنێت، "لەلایەن وەزارەتی شەهیدان و ئەنفالكراوانەوە پارەكەیان بۆ دەدرێت".
A+    A-

 

ئاراس مستەفا سەرۆكی زانكۆی هەڵەبجە بەوەكالەت بە ئێس ئێن ئێن -ی راگەیاندووە "بەگوێرەی نووسراوێک کە لەلایەن وەزارەتی شەهیدانەوە بۆیان چووە، خوێندن لە بەشی یاسا بۆ كوڕو كچی شەهیدان بە بێ بەرامبەر دەبێت و لەلایەن وەزارەتی شەهیدانەوە پارەكەیان بۆ دابیندەكرێت".

 

لای خۆیشیەوە نەجمەدین هادی بەڕێوەبەری تۆمارگەی گشتیی زانكۆی هەڵەبجە لەبارەی چۆنێتی وەرگرتنی خوێندكارانەوە ئاشكرایکردووە کە مەرجی نمرەی ئەو خوێندكارەی كە داواكاری پێشكەشدەكات ئەگەر 35 نمرەشی كەمتربێت لە كۆنمرەی بەشی یاسا، ئەوا دەتوانێت داواكاریی پێشكەش بكات".

 

وتیشی:"بۆ مەرجی تەمەن پێویستە داواكار لە 40 ساڵ زیاتر نەبێت و دەرچووی تا پێنج ساڵ پێش ئێستاش بەهەمان شێوە دەتوانێت داواكاریی پێشكەشبكات".

 

هەروەها دەڵێت: خوێندكاران جگە لە بەشی ئێواران، دەتوانن لە بەیانیانیش داوا پێشكەش بكەن بۆ خوێندن و دابینكردنی پارەكەش لەلایەن وەزارەت یان لەلایەن زانكۆكەوە دەبێت، ئەنجومەنی زانكۆكەش بەگوێرەی توانای خۆیان بڕیار دەدات.



















زۆرترین بینراوەکان