وەزیریک لە دەرەوەی وڵات دەستگیر کرا


نەتەوە  |   17:02:28 2017-09-10  |   (839) جار خوێندراوەتەوە

وەزیرێکی پێشوو کە تۆمەتبارە بەگەندەڵی، بە هاوکاری ئینتەرپۆل لە وڵاتی لوبنان دەستگیر کرا.
A+    A-

 

دەستەى نەزاهەى عێراق ڕایگەیاندووە، بە هاوکارى  پۆلیسی ئەنتەرپول و چەند دەزگایەکى تر عەبدولفەتاح حەمادى وەزیرى بازرگانى پێشووى عێراق کە تۆمەتبارە بەگەندەڵی لە بەیروت دەستگیرکراوە.

 

دەستەى نەزاهەى عێراق لە بەیاننامەیەکدا کە ئەمڕۆ بڵاویکردووەتەوە ڕایگەیاندووە، لە رێگەى دەزگای گەڕاندنەوەی تۆمەتبارانی سەربە دەستەى نەزاهە چەندین بەڵگەنامەى تێوەگلانى ئەم وەزیرە دراوەتە پۆلیسی ئەنتەرپولی جیهانى و دواى چاودێرییەکی وورد توانراوە لە لوبنان دەستگیر بکرێن.

 

ئاماژە بەوەشکراوە، لە ماوەى ڕابردووشدا چاودێرى کراوە کە لە بەریتانیا نیشتەجێ بووە و چەندین جار داوا لەو وڵاتە کراوە ڕادەستى بکات بەڵام ئامادە نەبووە.

 

دەستەکە ئاماژەى بەوەشکردووە، عەبدولفەتاح حەمادى وەزیرى بازرگانى پێشووى عێراق هەشت دۆسییەى گەندەڵی لەسەرە و  جگە لەوەش دەیان دۆسیییەى کەسانى تر دراوەتە پۆلیسی ئەنتەرپول.

 

ئەمەش لە دواى ئەوە هات ڕۆژى چوارشەممەى ڕابردوو دەزگا ئەمنییەکانى بەیروت ڕایانگەیاند وەزیرى پێشووى بازرگانى عێراقیان دەستگیرکردووە.

 

 

 



















زۆرترین بینراوەکان