دەمیرتاش سکاڵای لەسەر ئەردۆغان تۆمار کرد


نەتەوە  |   13:07:56 2017-08-12  |   (175) جار خوێندراوەتەوە

هاوسەرۆکی پارتی دیمۆکراتی گەلان، سەرۆکی تورکیا دەداتە دادگا، ئەوەش لە پای ناوبردی بە تیرۆریست.
A+    A-

 

پارێزەرانی سەلاحەدین دەمیرتاش، هاوسەرۆکی زیندانیکراوی پارتی دیمۆکراتی گەلان (هەدەپە) لە دادگای ئامەد، سکاڵایان لەسەر رەجەب تەیب ئەردۆغان سەرۆک کۆماری تورکیا تۆمار کرد.

 

ئەمەش دوای ئەوە دێت کە ئەردۆغان لە پەراوێزی کۆبوونەوەی جی ٢٠ ئەو سەرکردە کوردەی بە تیرۆریست ناوبردبوو.

 

پارێزه‌رانی ده‌میرتاش سكاڵای یاساییان پێشكه‌ش به‌ دادگای ئامه‌د- كردو رایانگه‌یاند، كه‌ تومه‌تباركردن و ناساندنی  كه‌سێك به‌ تیرۆر ده‌بێت به‌ بڕیاری دادگا بێت و تا ئێستا هیچ دادگایه‌ك ده‌میرتاشی‌ به‌ تیرۆر تاوانبار نه‌كردووه‌، به‌ڵام ئه‌ردۆغان وشه‌ی "تیرۆریست" ی‌ به‌كارهێناوه‌.

 

له‌سكاڵای دژی ئه‌ردۆغاندا، پارێزه‌ران داوای 60 هه‌زار لیره‌ی توركی قه‌ره‌بوو ده‌كه‌ن.

 

مانگی تشرینی دووەمی ساڵی رابردوو سەڵاحەدین دەمیرتاش، لەلایەن ھێزەئەمنییەکانی تورکیاوە لە ماڵەکەی خۆیدا لە ئامەد دەستگیرکرا، بەتۆمەتی ئەندام بوون و ئەنجامدانی پڕوپاگەندە بۆ پەکەکەو کەجەکە و تائێستا لە زیندانی ئەدرنە زیندانیکراوە.

















زۆرترین بینراوەکان