دوای‌ 22 ڕۆژ تەرمی شەڕڤانە بیانیەكەی یەپەگە دۆزرایەوە


نەتەوە  |   11:27:15 2017-01-12  |   (455) جار خوێندراوەتەوە

تەرمی ئەو شەڕڤانە بەریتانییەی مانگی ڕابردوو لەڕیزەكانی یەكینەكانی پاراستنی گەل "یەپەگە"، لەشەڕی داعشدا لەشاری رەقەی سوریا شەهیدبوو، دۆزرایەوە.
A+    A-

 

دوای ئەوەی ڕۆژی 21ی مانگی كانوونی یەكەمی رابردوو شەڕڤانێكی بەریتانی یەپەگە بەناوی ریان لۆك لەمیانی شەڕێكدا بۆ كۆنترۆڵكردنەوەی شاری ڕەقە لە دەستی‌ داعش، شەهیدبوو و تەرمەكەی كەوتە دەستی‌ چەكدارانی داعش، بەپێی سەرچاوەكانی هەواڵ لەئێستادا تەرمی ریان دۆزراوەتەوەو و بردراوە بۆ رۆژئاوای کوردستان بۆ ئەوەی توێكاری فەرمی بۆ بكرێت.


لای خۆشییەوە مارك كامپوێڵ، چالاكوانێكی دۆستی كورد ڕایگەیاندووە، ئێستا ئامادەكاری دەكرێت بۆ گەڕاندنەوەی تەرمی ریان بۆ بەریتانیا، وتیشی: "هیوادارین بە هاوكاریی دەسەڵاتدارانی حكومەتی هەرێم و كونسوڵگەریی بەریتانیا لە هەولێر بەبێ دواكەوتن پرۆسەی گەڕاندنەوەی تەرمەكەی ئەنجامبدرێت".


جێی باسە ریان لۆك تەمەن 20 ساڵ بووەو بەر لە چوونی بۆنێو ریزەكانی یەكینەكانی پاراستنی گەل لە چێشتخانەكان كارییكردوەو هیچ ئەزموونێكی سەربازیی نەبووە و مانگی ئابی ساڵی ڕابردوودا پەیوەندیی بەو هێزانەوە كردووە، ناوبراو بووە سێیەمین بەریتانی كە لە ڕیزەكانی یەپەگەدا لەشەڕی دژی داعشدا شەهید دەبێت. 
 


















زۆرترین بینراوەکان