بەرپرسێکی یەکێتی: رێگریی لە بازگەکان یەکێتیشی گرتەوە


نەتەوە  |   09:59:20 2017-01-12  |   (4,852) جار خوێندراوەتەوە

بەگوێرەی چەند زانیارییەک لەبازگەی میحوەری مەخمور، ئاسایش ڕێگری لەبەرپرسێکی یەکێتی دەکات کە بچێتە ناو مەخمورەوەو لێپرسراوی کۆمیتەی مەخموری یەکێتیش ڕایدەگەیەنێت، ئەوەی دەگوزەرێت کارێکی باش نابێت.
A+    A-

 

ڕەشاد گەڵاڵی لێپرسراوی کۆمیتەی مەخموری یەکێتیی بە تۆڕی هەواڵی سلێمانی- ی ڕاگەیاندووە کە  "ئێوارەی دوێنێ غازی فەیسەڵ کاکەیی، ئەندامی مەڵبەندی موسڵ و لێپرسراوی کۆمیتەی حەمدانیەی یەکێتی ویستویەتی سەردانی مەخمور بکات، بەڵام لەبازگەی مەخمور لەلایەن ئاسایشی ئەو سنوورەوە ڕێگریی لێکراوە".

 

جەختیش لەوە دەکاتەوە کە "دوای ھەوڵدانێکی زۆرو چەندین بەڵێن، دواجار ڕەزامەند نەبوون لەوەی لەبازگەکەی مەخمور تێپەڕێت بەرەو شارۆچکەکە".

 

ئاماژەی بەوەش کرد کە سەرباری ئەوەی پەیوەندییان بە لێپرسراوی لیژنەی ناوچەی مەخموری پارتیشەوە کردووەو  لەڕێگەی ئەویشەوە پەیوەندیی بە ئیدارەو میحوەری مەخمورەوە کراوە، بەڵام  گەڵاڵی دەڵێت:"ھەوڵەکان ھیچ سوودیان نەبوو".

 

لەبارەی ئەو ڕێگرییەشەوە، ئەو بەرپرسەی کۆمیتەی مەخموری یەکێتی دەڵێت:"ئەمە ئەنجامی باشی نابێت و ڕێگریکردنیش لەکادیری حزبەکان، کارێکی نەشیاوە، بەتایبەت لە بەرپرسانی یەکێتیی".


















زۆرترین بینراوەکان