جگەرەكێشان ئەم زیانانەش بە مرۆڤ دەگەیەنێت


نەتەوە  |   09:17:02 2017-01-11  |   (537) جار خوێندراوەتەوە

جگەرەكێشان جگە لەوەی چەندین زیانی بۆ تەندروستی مرۆڤ هەیە، لەوانەش كاریگەری خراپ لەسەر كۆئەندامی هەناسەدان، كە دەبێتە هۆی زیادبوونی هەوكردن، چەندین كاریگەری نەرێنی لەسەر رووخساری كەسەكان دادەنێت لەوانە:
A+    A-

 

پیربوونی پێشوەخت: بەهۆی جگەرە كێشانەوە بچووكبوونەوەیەك لەو مولولانەی كەخوێن دەگوازنەوە لەنزیك پێستەوە دروست دەبێت و ئەوەش دەبێتە هۆی كەمبوونەوەی گواستنەوەی ئۆكسجین وگەیشتنی مەوادەكان بە پێست و هەروەها دەبێتە هۆی دەركەوتنی چر و نیشانەكانی پیربوون لە روخساردا.


هەڵوەڕینی قژ: جگەرەكێشان دەبێتە هۆی لاوازبوونی قژ و پێكهاتەكانی و سپی بوونی خێراتر دەكات و دەبێتە هۆی گۆڕانكاریی لە مووەكان و هەڵوەڕینی قژیش.


كێشەی ددان: جگەرەكێشان بەهۆكاری سەرەكی شێرپەنجەی دەم و پووك و نەخۆشیەكانی پووك و كلۆربوونی ددان دادەنرێت، ئەمە جگە لەوەی دەبێتە هۆی كەمبوونەوەی هاتوچۆكردنی خوێن و كەمبوونەوەی بەرگری پووك و زیادبوونی هەوكردن و بەكتریا زیانبەخشەكانی ناو دەم. 


دەرنگ چاكبوونەوەی برینەكان: جگەرەكێشان دەبێتە هۆی رێگرتن لەگەیشتنی خوێن و ئۆكسجینی پێویست بە خانەكانی لەش و ئەوەش دەبێتە هۆی درەنگ چاكبوونەوە و یەكگرتنەوەی برینەكان.
 


















زۆرترین بینراوەکان