بەبڕیاری دادگا: كچانی مسوڵمانیش دەبێت بچنە مەلەوانگەی تێكەڵ


نەتەوە  |   18:31:19 2017-01-10  |   (5,281) جار خوێندراوەتەوە

دادگای مافەكانی مرۆڤ لەبەرژەوەندی حكومەتی سویسرا بڕیاریدا، كە دایكوباوكانی مسوڵمان ناچارن كچەكانیان لە قوتابخانە بنێرنە مەلەوانگەی تێكەڵ.
A+    A-

 

دوای ئەوەی دوو هاوڵاتی توركی سویسرا، لە دادگای مافەكانی مرۆڤ سكاڵایان لەسەر حكومەتی سویسرا تۆمار كرد بەوەی بە رێگەی ناچاركردنی كچانی مسوڵمان بە بەشداریكردنی لە وانەی مەلە لە مەلەوانگەی تێكەڵ، ئەو دادگایە دوابڕیاری لەو كەیسەدا.


بەپێی بڕیارەكەی دادگا، رێوشوێنەكانی حكومەتی سویسرا بۆ تێكەڵكردنی خوێندكارانی بیانی لەگەڵ كۆمەڵگا و سیستەمی پەروەردەی ئەو وڵاتە، هیچ پێشێلكاریەكی تێدا نییە.


رونیشیكردۆتەوە، هەرچەندە ناچاركردنی كچانی مسوڵمان بە مەلەكردن لە مەلەوانگەی تێكەڵی قوتابخانەكان دەستوەردانە لە ئازادی ئایینی هاوڵاتیان، بەلام ئەو دەستوەردانە بە رادەیەك نییە كە ئەو ئازادیانەی پێشێلكردبێت.


هاوكات جەختیشیكردۆتەوە، رێوشوێنەكانی بەرنامەی پەروەردەی سویسرا، رێگری دەكات لە گۆشەگیربوونی خوێندكارە بیانیەكان، بۆیە ئەو وڵاتە ئازادە كە بە چ شێوەیەك پرۆگرامی پەروەردەی خۆی جێبەجێ دەكات.


جێی باسە بڕیارەکەی سویسرا تەنها ئەو قوتابیانە دەگرێتەوە کە لە خوار تەمەنی یاساییەوەن و لە سەروی ئەو تەمەنەوە ئازادن کە بچنە مەلەوانگەی تێکەڵەوە یان نا.

 



















زۆرترین بینراوەکان