هەولێر.. ئەو شۆفێرەی لە دوو ئۆتۆمبێلەكەیدا و هەڵات سزا درا


نەتەوە  |   18:08:31 2017-01-10  |   (3,871) جار خوێندراوەتەوە

شۆفێرێك لە ناو شاری هەولێر خۆی بە ئۆتۆمبێلێكی وەستاودا دەكێشێت و ئەو ئۆتۆمبێلەش بەر ئۆتۆمبێلەكەی تر دەكەوێت، بەڵام ئاوڕیان لێناداتەوە و شوێنەكە جێدەهێڵێت و دوای رووداوەكەش پۆلیسی هاتوچۆ كەسەكە دەدۆزێتەوە و سزای دەدات.
A+    A-

 

لەو بارەوە فازیل حاجی، وتەبێژی پۆلیسی هاتوچٶی هەولێر لە لێدوانێكیدا رایگەیاند:'' ئەو شوفێرە لە شاری هەولێر چەند رۆژێك لەمەوبەر كاتێك ئۆتۆمبیلەكەی لێدەخوڕی و خەریكی قسەكردن بوو بە مۆبایل، خۆی بە ئۆتۆمبیلێكی وەستاودا لەبەردەرگایەك كێشا و ئەویشی دا بە ئۆتۆمبیلێكی تردا''.

 

وتیشی: لەدوای رووداوەكە شۆفێرە گەنجەكە كە بەپێی زانیارییەكان، خوێندكاری زانكۆیە، لە ئۆتۆمبیلەكەی دێتە خوارەوە و تەنها سەیرێكی ئۆتۆمبیلەكەی خۆی دەكات بۆ ئەوەی بزانێت چی لێهاتووە  ودواتر دەڕوات و دوو ئۆتۆمبیلە زیان لێكەوتووەكە جێدە‌هێڵێت''.

 

وتەبێژی پۆلیسی هاتوچٶی هەولێر ئاشكراشی دەكات: توانرا شۆفێرەكە بدۆزرێتەوە و هەردوو ئۆتۆمبیلەكە لەسەر ئەم هەڵوێستە ناشرینە فلس فلسی زیانەكانیان پێبژارد. 

 


 



















زۆرترین بینراوەکان