لەكاتی خواردنی دەرماندا خۆت لەم هەڵەیە بپارێزە


نەتەوە  |   15:58:41 2017-01-09  |   (1,266) جار خوێندراوەتەوە

زۆركەس كاتێك نەخۆشدەكەن و چارەسەری پزیشكی وەردەگرن، بەپێی ژەمە خواردنەكان، خواردنی دەرمانەكانیان رێكدەخەن، ئەمەش بەهەڵە دادەنرێت.
A+    A-

 

لەو بارەوە سایتی تەندروستی سلێمانی لە بابەتێكدا بڵاویكردۆتەوە، پێویستە هوشیار بین و ئاگامان لەو هەڵەیە بێت كە پێدانی دەرمان و بەكارهێنانی بە پێی ژەمەكانی خواردن نیە، بەڵكو لەڕاستیدا بە پێی كاتژمێرە، واتا كاتێك پزیشك لەسەر ڕەچەتە ئەنوسێت ( ١*٣ یان ١*٢ ) ئەوە مانای ئەوە نیە كە دەرمانەكە سێ ژەمە یان دو ژەمە بخورێت.

 

رونیشیكردۆتەوە كە پێویستە ئەو دەرمانانەی كە پزیشك دەڵێت پێویستە ٣ جار بخورێت، واتە ئەبێت ٨ كاتژمێر جارێك بیخۆیت، هەروەها ئەوانەشی كە پێویستە ٢ جار بخورێت واتە ١٢ كاتژمێر جارێك بیخۆ.

 

وەك لە بابەتەكەدا ئەوەشخراوەتەڕوو كە هەندێك جار نەخۆش دەڵێت، سودم لە دەرمانەكان نەبینیوە هۆكاری ئەمەش بۆ ئەوە دەگەڕێتەوە كە هەندێك وەرزی ساڵ رۆژ تیایدا كورتە، ناكرێت لەو رۆژە كورتەدا ٣ جار دەرمان بخورێت كەچی بەدرێژایی شەو كە پانزە سەعات ئەبێت هیچ دەرمانێك نەخورێت.


















زۆرترین بینراوەکان