چالاكی ڕۆژانەو كاری قورس ئەم سودە سەرسوڕهێنەرانەی هەیە


نەتەوە  |   16:04:00 2017-01-02  |   (560) جار خوێندراوەتەوە

ئەنجامی لێكۆڵینەوەیەی نوێ دەریخستووە بەردەوامی چالاكی رۆژانە و ئەنجامدانی كاری قورس چەندین سودی بە تەندروستی مێشكی مروڤ دەگەیەنێت.
A+    A-

 

لێكۆڵینەوەیەكی نوێی ئەمریكی دەریخستووە بەردەوامی چالاكی رۆژانە و سەرقاڵبوونی مرۆڤەكان بەچەندین كار و كردەوەی قورس دەبێتە هۆی زیادبوونی هەلی فێربوون و تەندروستی مێشك و هەروەها مانەوەی بیرەوەرییەكی باش.


ئەو توێژینەوە لەسەر ژمارەیەك ژن و پیاو ئەنجامدراوە كە تەمەنیان 50 ساڵ و بەرەوسەربوون و لەماوەی لێكۆلینەوەكەدا چەند پشكنینێكی دەروونیان بۆ كراوە و هەروەها خشتەی كاری رۆژانەشیان تاوتوێ كراوە.


لێكۆڵینەوەكە دەریشیخستووە، پەیوەندییەكی پتەو هەیە لەنێوان ئەو كەسانەی ئاستی مێشكیان باشە و خشتەی كارە رۆژانەكانیان زۆر قەرەباڵغە.


هاوكات ئەو كەسانە بەراورد بەو مرۆڤانەی كەمتر سەرقاڵن توانای پێداچوونەوەی زانیارییەكانیان بەشێوەیەكی خێراتر هەیە و خاوەنی بیرەوەرییەكی باشترن و زۆرتر دەتوانن رووداوەكانی رابردوو وەبیربهێننەوە.




















زۆرترین بینراوەکان