رۆناڵدۆ خەڵاتێكی تری بردەوە


نەتەوە  |   23:53:18 2016-12-27  |   (678) جار خوێندراوەتەوە

كریستیانۆ رۆناڵدۆی ئەستێرەی پۆرتوگالی یانەی ریال مەدریدی ئیسپانی، لەماوەی ئەم مانگەدا خەڵاتێكی دیكەی جیهانی بردەوە و توانی پێش لیونل مێسی بكەوێتەوە.
A+    A-


شەوی سێشەممە 27ی كانونی یەكەم كریستیانۆ رۆناڵدۆ توانی بۆ جاری دووەم نازناوی خەڵاتی "گڵۆب سۆكەر" بباتەوە، كە لە وڵاتی ئیماراتەوە دەبەخشرێتە باشترین یاریزانی جیهان.


ئەمساڵ لەدوا قۆناغی كێبڕكێ بۆ بەدەستهێنانی ئەو خەڵاتە، هەریەك لە رۆناڵدۆ، مێسی و گریزمان مانەوەو لەكۆتاییدا كریستیانۆ توانی خەڵاتەكە بۆ خۆی دەستەبەر بكات، ئەمە لەكاتێكدایە پێشتر ساڵی 2014 توانی بووی ئەو خەڵاتە بەدەستبهێنێت.


هاوكات رۆناڵدۆ لە رێگەی ڤیدیۆ كۆنفراسێكەوە داوای لێبووردنی لەبینەران كرد، كە نەیتوانیووە ئامادەی مەراسیمەكە ببێت.


جێی باسە لەماوەی ئەم مانگەدا ئەمە دووەمجارە كریستیانۆ رۆناڵدۆ توانیویەتی خەڵاتی جیهانی بەدەستبهێنتێك، ئەوەش دوای ئەوەی رۆژی 12/12/2016 توانی بۆ جاری چوارەم خەڵاتی "بالۆن دۆر"ی تۆپی ئاڵتۆنی بباتەوە.
 



















زۆرترین بینراوەکان