یاریزانێكی بەناوبانگی كورد گیانی لەدەستدا


نەتەوە  |   11:33:43 2016-12-21  |   (2,051) جار خوێندراوەتەوە

شەهموز ئۆزەر كاپنتی یانەی ئامەد سپۆری باكووری كوردستان، بەهۆی روداوی هاتوچۆ گیانی لەدەستدا.
A+    A-

 

شەوی رابردوو شەهموز ئۆزەری تەمەن 36 ساڵ، كە بەیەكێك لە ناسراوترین یاریزانانی كوردى باكوری كوردستان دادەنرێت لە كاتێ گەڕانەوە لە ئاهەنگێكی بووك گواستنەوە لەناوچەی ماڵاتیا تووشی رووداوێكی هاتۆچوو بووە و گیانی لەدەستداوە.


بەپێی سەرچاوەكانی هەواڵی باكوری كوردستان، كاتێك پۆلیس گەیشتووەتە شوێنی رووداوەكە ئەو یاریزانە گیانی لەدەستداوە.


لای خۆشیەوە یانەی ئامەد سپۆر، لەسەر ئەكاونتی فەرمی خۆی لە تویتەر هەواڵەكەی پشتڕاستكردووەتەوە و خەمباری خۆیشی بەرامبەر لە دەستدانی كاپتنەكەی راگەیاندووە.


جێی باسە شەهموز ئۆزەر ساڵی 1980 لە ناوچەی ئەرگانی سەر بە شاری ئامەدی باكووری كوردستان لە دایكبووە، لە ساڵی 1998 دەستی بە یاریكردن كردووە و لەكاروانی وەرزشییدا پەیوەندیی بەچەندین یانەی جیاوازەوە كردووە و دوایین وێستگەی یاریكردنیشی لە ریزەكانی یانەی ئامەد سپۆر بووە.
 


















زۆرترین بینراوەکان