وەڵامی پرسیارێكی ئاسانی بیركاری هەرای نایەوە


نەتەوە  |   21:00:47 2015-11-24  |   (1,402) جار خوێندراوەتەوە

loading...
سێ كەڕەتی پێنج دەكاتە 15، بەهەمان شێوە، پێنج كەڕەتی سێش دەكاتە 15، ئەی ئەگەر كەسێك بڵێت ئەمە وەك یەك نییە و ئەنجامەكە جیاوازە دیارە هەرایەك دەنێتەوە.
A+    A-

 

زۆر ئاساییە بۆ خوێندكارێكی سەرەتایی نەزانێت، كە ئەنجامی ئەو دووانە وەك یەكە، بەڵام حاڵەتە نائاساییەكە ئەوەیە مامۆستایەك پێی وابێت سێ كەڕەتی پێنج جیاوازە لە پێنج كەڕەتی سێ و بەو هۆیەوە نمرە لە خوێندكارەكەی دابشكێنێت.


لە رۆژانی رابردوودا وێنە پەڕەی تاقیكردنەوەی خوێندكارێكی ئەمریكی لە تۆڕە كۆمەڵایەتیەكان بڵاوكراوەتەوە، كە لەوانەی بیركاریدا و لەوەڵامی پرسیاری پێنج كەڕەتی سێ نوسیویەتی: پێنج + پێنج + پێنج، واتە ئەنجامەكەی دەبێتە كۆكردنەوەی سێ دانە پێنج.


لەبەرامبەردا مامۆستاكەی ئەو وەڵامەی بەهەڵەدانەوە و یەك نمرەی لێداشكاندووە و نوسیویەتی، وەڵامەكەی دەبێتە كۆكردنەوەی 5 دانە سێ.


بابەتەكە هەر لە تۆڕە كۆمەڵایەتیەكاندا نەماوەتەوە و ئەنجومەنی مامۆستایانی بیركاری ئەمریكا لەسەر ئەو بابەتە هاتوونەتەدەنگ.


دایانا برارز، سەرۆكی ئەنجومەنەكە لەو بارەوە رایگەیاندووە، ئێمە دەمانەوێت خوێندكار لەوە تێبگات، كە بۆ گەیشتن بە ئەنجام چ رێگەیەك دەگرێتەبەر، چوون هەندێك جار خودی وەڵامەكە ئەوەندە جێی بایەخ نییە.

 


 





loading...











زۆرترین بینراوەکان