چەند خۆراكێك بۆ رێگرتن لە دروست بوونی چرچی پێست 


نەتەوە  |   17:25:33 2015-11-06  |   (1,058) جار خوێندراوەتەوە

loading...
چرچی پێست یەكێكە لە نیشانەكانی پیری و بەڵام دەكرێت بە رێگەی سیستەمی خۆراكی گونجاو، كارێك بكرێت ئەو نیشانەیە درەنگتر لە پێست مرۆڤ دەركەوێت، بۆ وێنە خواردنی ئەم سەوزە و میوە و خواردنەوانە هاریكار دەبن بۆ خۆپراستن بەرامبەر بە چرچی پێست:
A+    A-

1- شلیك 
    
شلیك یەكێكە لەو میوانەی كە زیاترین رێژەی ڤیتامین (C ) تیادایە بەرێژەیەكی زۆرتر لە پرتەقاڵ. یەكێك لە لێكۆڵینەوەكاندا كە لە ( American Journal of Clinical Nutrition ) بڵاو كرایەوە ئەو راستیە دەردەخات، كە شلیك یاریدەدرێكە بۆ رێگرتن لە دروست بوونی چرچی لە دەم و چاو.  دەتوانیت شلیك بكەیت بە ماسك و بیدەیت لە دەم و چاوت یاخود رۆژانە بیجۆ. 

 

٢- زەیتی زەیتوون 
بۆ ئەو پێستانەی وشكن بەكارهێنانی زەیتی زەیتوون زۆر بەسوودە و پێستەكە جوان دەكات. چەندەها ڤیتامین و ماددەی بەسوود هەیە لە زەیتی زەیتوندا كە پێست جوان و رەونەق دەكات. هەر لە مێژە خەلكی زەیتی زەیتوون دەدەن لە پێستیان و پێستەكەی پێ ماساج دەكەن. هەروها دەتوانیت بەكاری بهێنین بۆ لێوێك كە وشك بوبێتەوە یاخود تامیسكی لێهاتبێت وەك چارەسەر.

 


٣- چای سەوز
چای سەوز جگە لەوەی زۆر بەسوودا بۆ دابەزاندنی كێش لەهەمان كاتدا یەكێكە لەو روەكانەی بۆ پێست زۆر بەسوودە و ئەگەری توشبوون بە شێرپەنجەی پێست كەم دەكاتەوە. دەتوانیت رۆژانە كوپێك چای سەوز بخۆیتەوە یاخود چای سەوز بگریتەوەو وەك ماسكێك بیدەیت لە دەم و چاوت. 

 

٤-كولەكە 
كولەكەی زەرد پرە لە ڤیتامین (C) ،(E) ،(A)  وە هەرواها چەندەها ئینزایم كە هاوكاری پاكردنەوەی پێست دەدەن لە پێستە مردوەكان. كولەكەی زەرد دەتوانیت لە ژەمەكانتدا بەكار بهێنئن یاخوەد بیدەیت لە هاڕە و وەكا ماسكێك بیدەیت لە دەم و چاو و پێستت. 

 

 ٥- هەنار
هەنار پڕە لە (antioxidant) جگە لە سوودەكانی بۆ پێست زۆر بەسوودە بۆ نەهێشتنی بەكتریا. دەتوانێت هەنارەكە لەگەڵ دەنكەكانی بهاریت و وەك ماسكێك بیدەیت لە پێستت تاخود ئاوی هەنارەكا بكەیت بە شەربەت و رۆژی پەرداخێكی لێ بخۆیتەوە.
 





loading...











زۆرترین بینراوەکان