پارتی: ئامادەین گفتوگۆ لەگەڵ گۆڕان بکەین


نەتەوە  |   13:17:34 2015-11-05  |   (347) جار خوێندراوەتەوە

loading...
ئەندامێکی سەرکردایەتی پارتی ڕایدەگەیەنێت ئامادەین گفتوگۆ لەگەڵ گۆڕان بکەین و دەشڵێت لە ناو پارتیدا یەک باڵ هەیە کە باڵی مەلا مستەفایە.
A+    A-

 لە چاوپێکەوتنێکدا لەگەڵ ماڵپەڕی خەندان، هێمن هەورامی بەرپرسی پەیوەندییەکانی دەرەوەی پارتی دیموکراتی کوردستان ڕایگەیاندووە ، گۆڕان بە دوژمنی خۆیان نازانن و ئامادەشن بۆ هەموو گفتوگۆیەک. دەشڵێت پارتی هێلی سوور نییە بۆ هیچ گفتوگۆیەک.


سەبارەت ناردنە ماڵەوەی وەزیرەکانی گۆڕان و ڕێگریکردن لە سەرۆکی پەرلەمان، هەورامی رایگەیاندووە، "پارتی دیموکراتی کوردستان لە هەڵبژاردنەکانی ٢٠١٣ براوەی یەکەم بووە، ئێمە بووین داوامان کرد گۆڕان بەشداربێت لە حکومەت تەنیا وەرگرتنی پۆست نییە، شەڕکردن نییە لەسەر لەسەر وەرگرتنی پۆستی بەڕێوبەرێکی گشتی یان زیاتر، هەتنە ناو حکومەت لەئەستۆگرتنی بەرپرسیارێتییە، بۆیە نەکرێت لە پۆستدا خۆت بە شەریک بزانیت بەڵام لە کەموکوڕییەکانی حکومەت خۆت بەریبکەیت و بڵێیت ئەمە خەتای پارتیە و ئێمە تێیدا بەشدار نین".


هەروەها دەربارەی ڕێگریکردنی د.یوسف محەمەد بۆ چوونە ناو شاری هەولێر و ڕاپەڕاندنی کارەکانی لە بارەگای پەرلەمان، هەورامی باسی لەوە کردووە، "پەرلەمان کاری خۆی دەکات و تا ئێستاش فراکسیۆنەکان بە بزوتنەوەی گۆرانیشەوە لە پەرلەماندا کاری خۆیان دەکەن. ئەو چالاکیانەی د.یوسف محەمەد لە سلێمانی دەیکات تەنها چالاکیی کۆمەڵایەتیە و کاری پەیوەست بە پەرلەمان ئەنجام نادات".


ڕاشیگەیاندووە  مەسعود بارزانی لە ٢٥/٥/٢٠١٣  داوای لە لایەنە سیاسییەکان کرد تێبینی و سەرنجی خۆیان بنێرن لەسەر پرۆسەی دەستوور، هەروەها دەنگمان داوە بە هێنانەوەی پڕۆژەی دەستوور بۆ یەوەی کێشەکان چارەسەر ببن، ئەماژەشی پێدا پارتی دیموکراتی کوردستان ئەگەری ئەوەی هەئە لەگەڵ لایەنە سیاسیەکاکندا بگەنە ڕێکەوتنێک هەڵبژاردنی پێشوەخت ئەنجام بدەن .


سەبارەت بەوە دەنگۆیەی کە دەوترێت نێچیرڤان بارزانی ڕازینەبووە بە ڕێگریکردن لە سەرۆکی پەرلەمان، هێمن هەورامی ڕایگەیاندووە، "لەناو پارتی دیموکراتی کوردستاندا بیروڕای جیاواز هەیە بەڵام یەک باڵ هەیە ئەویش باڵی مەلا مستەفایە. هەر کەسێکیش لە دەررەوەی ئەم باڵە بێت پارتی نییە".


هەروەها ئەوەشی خستوەتە ڕوو، "ئێمە ئامادەین لەگەڵ گۆڕاندا گفتوگۆبکەین و مەحکومیشین لەگەل یەکدا قسە بکەین. هەموومان ڕۆڵەی ئەم وڵاتەین و کەسمان دوژمنی یەکتری نین، پارتی لە گفتوگۆ ناترسێت، بەڵام هیچ کات ئامادە نییە لەژێر ترسدا گفتوگۆ بکات".





loading...











زۆرترین بینراوەکان