دەمیرتاش لە هاوسەرۆکایەتی هەدەپە لادەبرێت؟


نەتەوە  |   11:57:37 2015-11-05  |   (377) جار خوێندراوەتەوە

loading...
چاوەڕێدەکرێت کۆنگرەی ئاسایی هەدەپە لە دوو مانگی داهاتوودا ببەسترێت و گۆڕانکارییەکی گەورە لەناو بەرپرسانی پارتەکەدا بکرێت و پرسی نەمانی دەمیرتاش لە پۆستی هاوسەرۆکایەتی پارتەکەی گفتوگۆی لەسەر دەکرێت.
A+    A-

رۆژی چوارشەمە، بە ئامادەبوونی هەریەک لە هاوسەرۆکان و بەرپرسانی پارتی دیموکراتی گەلان (هەدەپە)، کۆنگرەی کۆمەلگای دیموکراتی (دەتەکە) و کۆنگرەی دیموکراتی گەلان (هەدەکە)، کۆبونەوەیەکی فراوان سازدرا بۆ گفتوگۆ کردن لەسەر پرسەکانی ئایندەی قۆناغی چارەسەری و لەدەستدانی دەنگێکی زۆری پارتی هەدەپە و پلانان دانان بۆ گۆڕانکاری کردن لە سیاسەتی پارتەکەدا.

 

فیگەن یوکسەک داغ هاوسەرۆکی هەدەپە ئاماژەی بەوەداوە کە پێدەچێت لە نێوان دوو مانگی داهاتوودا کۆنگرەی ئاسایی خۆیان ببەستن و ووتی، "بەپێی ڕیزبەندی، ئێمە سێیەم پارتین لە پەرلەماندا، بەڵام وەکو دووەم پارتی کاردەکەین. هەروەها داوامان لە پارتی گەلی کۆماری (جەهەپە) کردووە بۆئەوەی بەیەکەوە کار بکەین".

 

هاوکات، تا ئێستا ئاشکرانەبووە ئایا لەکۆنگرەی هەدەپەدا یاسای وەرگرتنی بەرپرسیارێتی بۆ دوو خول لە پەرلەماندا کاری پێدەکرێت و دەمیرتاش لە پۆستەکەیدا دەمێنێتەوە. 

 

بە پێی سەرچاوەکانی هەواڵ، لایەنگرانی هەدەپە مانەوەی دەمیرتاش لە پۆستەکەیدا بەباشتر دەزانن و داوا دەکەن ئەو یاسایە لەبەرچاوبگیرێتەوە.





loading...











زۆرترین بینراوەکان