تۆمەتبارانی پەلامارە خۆکوژییەکەی دوبز دەستگیر دەکرێن 


نەتەوە  |   10:06:31 2015-11-05  |   (1,626) جار خوێندراوەتەوە

loading...
دوای هێرشە خۆکوژیەکەی ڕێکخراوی تیرۆرستی داعش بۆسەر قایمقامیەت و بەڕێوبەرایەتی پۆلیسی دوبز، بەرەبەیانی دوێنێ چوار شەممە ٤-١١-٢٠١٥، بە تۆمەتی هەوکاریکردنی داعش لەو کردەوە تیرۆرستیەدا چەند تۆمەتبارێک دەستگیر کراون.
A+    A-

عەمید سەرحەد قادر بەڕێوبەری پۆلیسی قەزاو نەحیەکانی کەرکوک بە ئێس ئێن ئێنی ڕاگەیاندووە، هێزەکانی ئاسایش و پۆلیس بە هەماهەنگی لەگەڵ یەکتر بەردەوام لە گەڕاندان بۆ دۆزینەوەوی تۆمەتبارانی هێرشەکەی دبز.

 
سەبارەت بە دەستگیر کراوەکانیش عەمید سەرحەد ڕایگەیاندووە، "ئەو سێ کەسە لە هێرشەکە بۆ سەر بینایی قایمقامیەت و پۆلیسی قەزاو ناحیەکانی کەرکوک بەشدار بوون و پاش ڕووداوەکە لە ژێرزەمینی خانویەکدا لە گوندی قەرەتەپە دەستگیر کراون".


لەبارەی ژمارەی شەهید و بریندارەکانیشەوە، ناوبراو ئاماژەی بەوە داوە، "٢ کەس خۆیان تەقاندۆتەوەو ٣ کەسیش کوژراون لە رێکخراوی چەکداری داعش، هەروەها ژمارەی شەهیدەکان گەیشتۆتە نۆ کەس و ١٧ ی تریش برینداربوون".


هاوکات ئەوەشی خستە ڕوو، "ئەو ٣ کەسە بەر لە دەستپێکردنی پەلامارە خۆکوژییەکە کارەکانیان بەجێهێشتووەو هاوکاری تیرۆرستانی داعشیان کردوەو کارئاسانیان بۆ کردوون کە هەرسێکیان بە ڕەگەز عەرەبن".





loading...











زۆرترین بینراوەکان