هۆشداری دەدرێتە خوێندكارانی زانكۆی سلێمانی


نەتەوە  |   20:45:56 2015-11-04  |   (520) جار خوێندراوەتەوە

loading...
"ئەو ڕێگەیەی بەردەم كەمپە تازەكەی زانكۆی سلێمانی پارككردن تیایدا قەدەغەیە، بۆیە پسوڵەی سەرپێچی بۆ خوێندكاران كراوە و دەكرێت. "
A+    A-

پۆلیسی هاتوچۆی سلێمانی هۆشداری دەداتە خوێندكارانی زانكۆی سلێمانی، كە ئەگەر جارێكی تر ئۆتۆمبێلەكانیان لەسەر شەقامی بەردەم كامپی نوێی ئەو زانكۆیە رابگرن، رێكاری یاساییان بەرامبەر دەگیرێتەبەر.

 

رۆژی چوارشەممە بە دەیان ئۆتۆمبێلی خوێندكاران، كە لەبەردەم كامپی نوێی زانكۆی سلێمانی راگیرابوون، پسوڵەی سەرپێچیان بۆكرا، ئەوەش نیگەرانی و ناڕەزایەتی خوێندكارانی لێكەوتەوە.

 

لەو بارەوە كاروان مەحەمەد وتەبێژی بەڕێوەبەرایەتی پۆلیسی هاتووچۆی سلێمانی ڕایگەیاند: ئەو ڕێگەیەی بەردەم كەمپە تازەكەی زانكۆی سلێمانی پارككردن تیایدا قەدەغەیە، بۆیە پسوڵەی سەرپێچی بۆ خوێندكاران كراوە و دەكرێت.

 

ناوبراو هۆشداریشی دا لەدووبارەبونەوەی ئەو حاڵەتە و رایگەیاند:"ئەگەر دووبارە خوێندكاران ئۆتۆمبێلەكەیان لەوێدا پارك بكەن، ئیجرائاتی یاساییان لەگەڵ دەكەینەوە ".





loading...











زۆرترین بینراوەکان